Jagdish Patil
आयकर विभागाच्या Instant e-PAN सुविधेच्या माध्यमातून घरबसल्या ऑनलाइन पॅन नंबर मिळणार आहे.
पूर्वी PAN कार्ड बनवण्यासाठी अर्ज करावा लागायचा त्यानंतर ते कार्ड पोस्टाने येण्याची वाट पहावी लागायची.
मात्र, आता आयकर विभागाने PAN कार्ड काढण्याची प्रक्रिया डिजिटल केली आहे.
त्यानुसार Instant e-PAN च्या माध्यमातून ऑनलाइन अर्ज करू शकता. शिवाय ही सुविधा निशुल्क आहे.
ज्यांना अद्याप PAN नंबर मिळालेलं नाही अशांसाठी ही योजना असून अर्ज करणाऱ्या व्यक्तीकडे आधार क्रमांक असणं आवश्यक आहे.
तसंच अर्जदाराचे वय 18 वर्षांपेक्षा कमी नसावे आणि त्याचा आधार क्रमांक मोबाईल नंबरशी लिंक असणं गरजेचं आहे.
e-PAN साठी आधार क्रमांक, DigiLocker चा अॅक्सेस आणि जन्मतारखेचा वैध पुरावा लागणार आहे.
सर्वप्रथम आयकर विभागाच्या ई-फायलिंग पोर्टलवर जा. होमपेजवरील Quick Links विभागात Instant e-PAN हा पर्याय निवडा.
यानंतर Get New e-PAN वर क्लिक करा. आता तुमचा 12 अंकी आधार क्रमांक प्रविष्ट करा.
Declaration बॉक्सवर टिक केल्यानंतर Continue वर क्लिक करा. यानंतर आधारशी लिंक असलेल्या मोबाईल नंबरवर 6 अंकी OTP येईल.
OTP पडताळणीनंतर सिस्टम तुम्हाला DigiLocker वर रीडायरेक्ट करू शकते. येथे जन्मतारीख आणि KYC शी संबंधित माहिती पडताळण्यासाठीची परवानगी द्या.