Rashmi Mane
1 फेब्रुवारीला अंतरिम अर्थसंकल्प सादर होणार आहे.
पण तुम्हाला माहीत आहे का अर्थसंकल्प कोण तयार करते?
सादरीकरणापूर्वी साधारण किंवा अंतरिम अर्थसंकल्प तयार करण्याची प्रक्रिया अनेक महिने सुरू असते.
बजेट तयार करण्यासाठी वित्त मंत्रालय, नीती आयोग, नियंत्रक आणि महालेखा परीक्षक, प्रशासनिक मंत्रालय आदींचा समावेश असतो. हे विभाग बजेट तयार करण्यासाठी एकमेकांसोबत समन्वय साधून असतात.
आर्थिक व्यवहार सचिव, मुख्य आर्थिक सल्लागार आणि गुंतवणूक आणि सार्वजनिक मालमत्ता व्यवस्थापन (DIPAM) विभागाचे अधिकारीही सहभागी असतात.
सेंट्रल बोर्ड ऑफ डायरेक्ट टॅक्सेस (CBDT) आणि सेंट्रल बोर्ड ऑफ इनडायरेक्ट टॅक्स अँड कस्टम्स (CBIC) चे अधिकारी देखील या प्रक्रियेत भूमिका बजावतात.
हे सर्व अधिकारी खर्च आणि कमाईचा अंदाजे तपशील अर्थमंत्र्यांना देतात. याशिवाय अर्थमंत्र्यांना अर्थसंकल्पाद्वारे धोरण किंवा निर्णय घेण्यास मदत करतात.
विविध क्षेत्रातील तज्ञ देखील बजेट टीममध्ये काम करतात. टीमला पंतप्रधानांचे वेळोवेळी मार्गदर्शन मिळत असते.