Jagdish Patil
योग दिनानिमित्त जगभरातील जवळपास 2500 हून अधिक ठिकाणी विविध कार्यक्रमांचे आयोजन करण्यात आलं आहे.
यंदाच्या योग दिनाची थीम 'निरोगी वृद्धत्वासाठी योग' अशी ठेवण्यात आली आहे.
या थीमद्वारे वाढत्या वयातही शारीरिक आरोग्य, मानसिक शांतता आणि उत्तम जीवनशैली कशी राखता येईल, यावर भर देण्यात आला आहे.
तर पंतप्रधान मोदींच्या नेतृत्वाखाली आज कोलकाता येथील रेड रोडवर ‘आंतरराष्ट्रीय योग दिन’ मोठ्या उत्साहात साजरा करण्यात आला.
पंतप्रधान मोदी यांनी कोलकाता येथील रेड रोडवर जमलेल्या हजारो योगसाधकांना संबोधित केलं.
यावेळी मोदी म्हणाले, "योग हा केवळ शारीरिक व्यायाम नसून तो कोणत्याही एका वयोगटापुरता मर्यादित नाही तर ती मानवी आत्म्याची अभिव्यक्ती आहे."
योग आपल्याला संतुलित आयुष्य जगायला शिकवतो आणि काय करावे व काय करू नये याचे भान देतो, असंही मोदी म्हणाले.
तर आपण वयाच्या 40 व्या वर्षी, 20 व्या वर्षापेक्षा जास्त लवचिक असले पाहिजे.
आणि 60 व्या वर्षी, 30 व्या वर्षापेक्षा जास्त ऊर्जावान राहिले पाहिजे, हे आपले ध्येय असायला हवं असंही मोदी म्हणाले.
यावेळी मोदींनी योगाला केवळ एका दिवसापुरते मर्यादित न ठेवता तो दैनंदिन जीवनाचा भाग बनवण्याचे आवाहन केलं.
याच उद्देशाने सरकारने यावर्षी 'योग 365' ही संकल्पना आणली असून, त्याअंतर्गत 100 दिवसांचे ऑनलाईन योग वर्गही सुरू केल्याचं त्यांनी सांगितलं.