Deepak Kulkarni
महाराष्ट्रातील अनेकजण प्रशासकीय सेवेत देशभरातील विविध राज्यांमध्ये महत्त्वाची भूमिका निभावत आहेत. त्यापैकीच एक म्हणजे ऐश्वर्या डोंगरे याही एक आहेत.
ऐश्वर्या या मराठमोळ्या आयपीएस अधिकारी आहेत.ज्यांचा जन्म मुंबईत झाला त्यांचं शिक्षणही येथेच झालं आहे.
ऐश्वर्या यांचं पहिल्यापासूनच प्रशासकीय सेवेत जाण्याचं स्वप्नं होतं. त्यानुसारच त्यांनी पावलं टाकताना सेंट झेवियर्स कॉलेजमधून अर्थशास्त्र आणि राज्यशास्त्रात दुहेरी पदवी घेतली आहे.
ऐश्वर्या यांनी 22 व्या वर्षी आपले कर्तृत्व सिद्ध केले. पहिल्याच प्रयत्नात UPSC परीक्षा उत्तीर्ण झाल्याचं पण त्याचसोबत त्यांनी संपूर्ण देशात 196 रँक मिळवली आहे.
भारतीय पोलीस सेवेत केरळ केडरमध्ये पाच वर्षांहून अधिककाळ सेवेते राहिल्या आहेत.तसेच त्या धडाकेबाज कारवाईमुळे त्या कायम चर्चेत असतात.
ऐश्वर्या यांच्या जीवनातील एक अंगावर शहारे आणणारी घटना कायमच लक्षातच राहणारी आहे.
ज्यावेळी ऐश्वर्या यांची शांघुमुघममध्ये पोस्टिंग होती.तिथे अखेरच्या टप्प्यांत त्या जिवंत हृदयाच्या प्रत्यारोपणासाठी तिरुवनंतपुरम ते कोचीपर्यंतच्या एअरलिफ्ट त्यांनी यशस्वीरित्या पूर्ण केले होते.
त्या परीक्षा पाहणारी घटना त्यांच्या लाईफटाईम लक्षात राहणारी अशीच आहे. त्या त्यांच्या मुलाखतीत या घटनेचा उल्लेख करत असतात. त्यावेळी ऐश्वर्या या विमानतळाच्या प्रभारी एसीपी पदावर कार्यरत होत्या.
त्यावेळी ऐश्वर्या यांनी रूग्णालयापासून विमानतळापर्यंतच्या मार्गावर ग्रीन कॉरिडॉर, केरळ पोलिसांचे हेलिकॉप्टर,वैद्यकीय पथकाशी समन्वय अशी परिस्थिती सक्षमपणे हाताळत फक्त 35 मिनिटांत हृदय पोहोचवण्याची किमया साधली होती. या घटनेची मोठी चर्चा झाली होती.