Rajanand More
पश्चिम बंगालमधील १९९६ च्या तुकडीतील वरिष्ठ आयपीएस अधिकारी दमयंती सेन पुन्हा एकदा चर्चेत आल्या आहेत. नवीन सरकारने त्यांच्यावर मोठी जबाबदारी सोपविली आहे.
बंगाल सरकारने मागील सरकारच्या काळात महिलांवर झालेल्या अत्याचाराच्या घटनांची चौकशी करण्यासाठी आयोग नेमला आहे. आयपीएस सेन या आयोगाच्या सदस्य सचिव असतील.
आयपीएस सेन यांनी २०१२ मध्ये थेट तत्कालीन मुख्यमंत्री ममता बॅनर्जी यांचे आदेश डावलत एका बलात्कार प्रकरणाचा तपास तडीस नेला होता. त्या सध्या अतिरिक्त पोलीस महासंचालक (ट्रेनिंग) या पदावर आहेत.
कोलकातामधील हे बलात्कार प्रकरण बनावट असल्याचे सांगत सरकारने फाईल बंद करण्याचे आदेश दिले होते. पण सेन यांनी तपास सुरूच ठेवत आरोपींना बेड्या ठोकल्या होत्या.
या प्रकरणानतर सेन यांची काही दिवसांत प्रशिक्षण महाविद्यालयात बदली करण्यात आली होती. त्यांना कमी महत्वाच्या पदावर पोस्टिंग दिली होती.
IPS सेन यांच्या बदलीविरोधात कोलकातामध्ये नागरिकांनी आंदोलन केले होते. या घटनेपासून सेन यांना कोलकातामध्ये पोस्टिंग दिली गेली नव्हती.
२०१२ मधील बलात्कार प्रकरणातील पीडितेने सेन यांचा उल्लेख 'वाघीण' असा केला होता.एक धडाकेबाज, प्रामाणिक आयपीएस अधिकारी म्हणून त्यांची ओळख बनली.
मुख्यमंत्री अधिकारी यांनी सेन यांनाच महिलांवरील अत्याचार प्रकरणाशी संबंधित आयोगात घेत ममता बॅनर्जी यांना धक्का दिल्याचे मानले जात आहे.