सरकारनामा ब्यूरो
IPS अक्षत कौशल यांनी 2012 मध्ये UPSC ची तयारी सुरू केली.
2017 मध्ये अक्षत हे UPSC परीक्षेत 55 वा क्रमांक मिळवून IPS अधिकारी बनले.
केवळ 17 दिवसांच्या तयारीनंतर 5व्या प्रयत्नात त्यांनी UPSC परीक्षा उत्तीर्ण केली.
अक्षत यांनी ठरवलं होतं की आपण अधिकारी व्हायचं, पण एक वेळ अशी आली की लोकांनी त्याची खिल्ली उडवायला सुरुवात केली होती.
IPS अधिकारी होण्यासाठी अक्षत यांनी कोचिंग क्लासेसला प्रवेश घेतला आणि कठोर मेहनत केली.
चार वेळा अपयश आल्याने ते खूप निराश झाले होते. त्यांनी अभ्यास सोडून देण्याचा विचारही केला होता.
मित्रांनी आणि आईनेही समजावून सांगितले की, हार मानू नये, म्हणून त्यांनी पाचव्यांदा परीक्षा देण्याचा विचार केला.
आई-वडिलांच्या प्रोत्साहनामुळे त्यांनी पुन्हा एकदा प्रयत्न केला. तेव्हा पूर्व परीक्षा 16 दिवसांवर आली होती. त्यांनी केवळ 16 ते 17 दिवसांत परीक्षेची तयारी केली आणि पाचव्या प्रयत्नात 55 वी रँक मिळवली.
'परीक्षेची तयारी सुरू करण्यापूर्वी विद्यार्थ्यांनी परीक्षेचा पॅटर्न आणि अभ्यासक्रम नीट समजून घेतला पाहिजे' असे त्यांनी सांगितले.