Deepak Kulkarni
तुमचं यश हे तुमच्या प्रयत्न, सातत्य,कष्ट,सराव,समर्पण आणि अभ्यास यांवरच अवलंबून असतं. ही एक अशीच एका महिला अधिकारीची प्रेरणादायी स्टोरी आहे.
दिल्लीत जन्म झालेल्या पूनम दलाल या हरियाणातील मध्यमवर्गीय कुटुंबातच वाढलेल्या आहेत.
सुरुवातीला त्यांना नवी प्राथमिक शिक्षक म्हणून नोकरीची संधी मिळाली. यावेळी नोकरी करता करता दिल्ली विद्यापीठातून पदवीही देखील मिळवली.
पदवीनंतर त्यांनी बँक पीओ परीक्षा दिल्या. विशेष म्हणजे त्या सर्व परीक्षा उत्तीर्ण झाल्या. स्टेट बँक ऑफ इंडियामध्ये प्रोबेशनरी ऑफिसर म्हणून जॉईनही झाल्या.
बँकेतील 3 वर्षांच्या सेवेनंतर पूनम या 2006 मध्ये इन्कम ट्रॅ्क्स विभागात अधिकारीपदावर रूजू झाल्या.
पूनम यांनी त्यानंतर नवी दिल्लीतील सीमाशुल्क उत्पादन शुल्क विभागात कार्यरत असलेल्या असीम दहिया यांंच्यासोबत 2007 मध्ये लग्न करण्याचा निर्णय घेतला.
लग्नानंतर त्यांनी तारेवरची कसरत करतानाच नोकरी आणि अभ्यास दोन्हीही सुरूच ठेवलं. अखेर 28 वर्षी यूपीएससीची सीएसई परीक्षा दिली. त्यानंतर त्यांनी हरियाणा PSC परीक्षा पास केली अन् त्यांची पोलीस उपअधीक्षक पदावर नियुक्ती झाली
आश्चर्य म्हणजे दुसऱ्यांदा यूपीएससी प्रिलिम्स देताना त्या 9 महिन्यांच्या गर्भवती होत्या.
प्रचंड इच्छाशक्तीच्या जोरावर त्यांनी प्रिलिम पास केली. अन् बाळ अवघ्या 3 महिन्यांचं असताना त्यांनी UPSC परीक्षेत देण्याचा धाडसी निर्णय घेतला आणि तो 897 गुणांसह 308 वा क्रमांक मिळवत यशस्वीही करुन दाखवला.