Pradeep Pendhare
अमेरिका-इस्त्रायलने इराणविरोधात सुरू केलेल्या युद्धाला एक महिनापूर्ण झाला आहे.
इस्रायलने इराणमध्ये 12 हजारहून जास्त बॉम्ब टाकले आहेत.
इस्रायलच्या संरक्षण दलाने सुमारे 3600 बॉम्ब केवळ तेहरानवर टाकलेत.
अमेरिकेच्या सेंट्रल कमांडच्या माहितीनुसार, त्यांनी इराणमध्ये 9 हजारपेक्षा जास्त ठिकाणांवर हल्ले केले आहेत.
अमेरिकेतील ह्यूमन राइट्स ॲक्टिव्हिस्ट्स न्यूज एजन्सीनुसार, युद्धाच्या पहिल्या महिन्यात इराणमध्ये 1464 सामान्य नागरिक मारले गेले आहेत.
इराणमधील एकूण मयत नागरिकांच्या मृत्यूमध्ये 217 लहान मुलांचा समावेश आहे.
या युद्धामुळे इराणमधील सुमारे 40 लाख लोकं विस्थापित झाल्याची माहिती समोर येत आहे.
अमेरिका आणि इस्रायलच्या हल्ल्यांमध्ये पोलिस ठाणे, मुख्यालय, लष्करी तळ, इस्लामिक रिव्होल्युशनरी गार्ड्सची घरे, शस्त्रसाठ्याची ठिकाण आणि तपासणी नाके लक्ष्य केलीत.
आंतरराष्ट्रीय मानवतावादी कायदे तज्ज्ञांच्या मते दाट लोकवस्तीच्या भागात, मोठा बॉम्ब वापरणे योग्य नाही. ते बेकायदेशीर ठरते.
इराणमध्ये गोंधळाची स्थिती असून, हल्ल्यांची पूर्व सूचना देणारे सायरन वाजत नाहीत, ना कोणतीही पूर्वसूचना मिळते. फक्त अचानक स्फोटाचा आवाज ऐकू येतो.