Khadse Vs Mahajan : एकनाथ खडसे विरुद्ध गिरीश महाजन संघर्षाला सुरुवात कधी? 'त्या' कारणाने पडली ठिणगी!

कधीकाळी होते 'जय-वीरू'!

उत्तर महाराष्ट्रात भाजपचा विस्तार करण्यात एकनाथ खडसे यांचा मोठा वाटा होता. गिरीश महाजन हे एकेकाळी खडसेंचे ज्युनियर आणि निकटवर्तीय मानले जात होते. दोघांनी मिळून खान्देशात भाजप मजबूत केला.

२०१४ मध्ये बदलली समीकरणे!

२०१४ मध्ये महाराष्ट्रात भाजपची सत्ता आली. एकनाथ खडसे हे मुख्यमंत्रीपदाचे प्रबळ दावेदार होते, पण देवेंद्र फडणवीस मुख्यमंत्री झाले. याच काळात फडणवीसांचे अत्यंत विश्वासू म्हणून गिरीश महाजन यांचा उदय झाला आणि खडसेंना शह देण्यास सुरुवात झाली.

२०१६ चे 'भोसरी' भूखंड प्रकरण

२०१६ मध्ये पुण्याच्या भोसरी एमआयडीसी जमीन घोटाळ्याच्या आरोपावरून खडसेंना मंत्रीपदाचा राजीनामा द्यावा लागला. या काळात पक्षाने खडसेंना बाजूला केले आणि जळगाव जिल्ह्याची पूर्ण सूत्रे गिरीश महाजन यांच्या हाती आली.

२०१९ मधील मोठा धक्का

२०१९ च्या विधानसभा निवडणुकीत भाजपने खडसेंचे तिकीट नाकारले. त्यांच्या ऐवजी कन्या रोहिणी खडसे यांना उमेदवारी मिळाली, पण त्यांचा पराभव झाला. खडसेंनी या पराभवाचे खापर थेट गिरीश महाजन आणि फडणवीसांवर फोडले.

भाजपला सोडचिठ्ठी

ऑक्टोबर २०२० मध्ये एकनाथ खडसेंनी भाजपला अधिकृतपणे सोडचिठ्ठी दिली आणि शरद पवारांच्या राष्ट्रवादी काँग्रेसमध्ये प्रवेश केला. पक्ष सोडताना त्यांनी गिरीश महाजन यांच्यावर गंभीर आरोप केले.

जळगावात 'काटे की टक्कर'!

जळगाव जिल्हा दूध संघ, जिल्हा बँक आणि जळगाव महानगरपालिका निवडणुकीत दोघांनी एकमेकांना हरवण्यासाठी आपली संपूर्ण ताकद पणाला लावली. आरोप-प्रत्यारोपांची पातळी वैयक्तिक झाली.

सीडीचे राजकारण!

खडसेंनी अनेकदा महाजनांविरुद्ध भ्रष्टाचाराचे आरोप केले, तर महाजनांनी खडसेंच्या चौकशी लावल्याचा आरोप झाला. खडसेंनी अनेकदा "माझ्याकडे सीडी आहे" असा इशारा देऊन राजकारण तापवले.

पुन्हा भाजपमध्ये येण्याची इच्छा, पण...

गेल्या काही काळात एकनाथ खडसे यांनी पुन्हा भाजपमध्ये येण्याचे संकेत दिले, केंद्रीय नेतृत्वानेही हिरवा कंदील दिला होता. मात्र, स्थानिक पातळीवर गिरीश महाजन यांनी याला तीव्र विरोध दर्शवला, ज्यामुळे खडसेंची घरवापसी रेंगाळली.

NEXT: तिकीट न दिल्याने समर्थकांनी थेट राष्ट्रीय महामार्ग रोखला! भाजपचं टेन्शन वाढवणारे नरोत्तम मिश्रा कोण?