Ganesh Sonawane
भोकर स्टेट बँकेवर पिस्तुलाच्या धाकावर दरोडा टाकणारा आरोपी दुसरा तिसरा कुणी नसून बडतर्फ पोलीस उपनिरीक्षक (PSI) शंकर रमेश जासक असल्याचे उघड झाले आहे.
रायगड जिल्हा पोलीस दलात कार्यरत असताना शंकर जासकला लाच घेताना अटक झाली होती. त्यानंतर त्याचे निलंबन झाले.
१ जून २०२३ रोजी जळगावातील कालिंका माता मंदिराजवळील स्टेट बँकेवर जासकने दरोडा टाकला. यात ३ कोटी ६० लाखांचे सोने आणि १६ लाख ४० हजारांचा ऐवज लुटला.
जासकचा शालक याच बँकेत सफाई कर्मचारी होता. त्याच्याकडून मिळालेल्या माहितीच्या आधारे दरोडा टाकल्याचे तपासात निष्पन्न झाले.
पहिल्या दरोड्याप्रकरणी जासक जळगाव जिल्हा कारागृहात होता. तेथे खुनाच्या गुन्ह्यातील आरोपी गजानन राजेंद्र पवार याच्याशी त्याची मैत्री झाली.
जासक आणि गजानन पवार यांनी कारागृहातच भोकर स्टेट बँक लुटण्याचा कट आखला. पवार जामिनावर बाहेर आल्यानंतर दोघांनी गावाची रेकी केली.
दोघांनी चादर विक्रेते बनून गावात फिरत माहिती गोळा केली. गजानन पवार दरोड्याच्या दोन दिवस आधीही गावात येऊन गेला होता.
शनिवारी (ता. ३१) भोकर स्टेट बँकेवर सशस्त्र दरोडा टाकल्याप्रकरणी शंकर जासक, गजानन पवार आणि अन्य दोघांना अटक करण्यात आली.