Pradeep Pendhare
जम्मू-काश्मीरमधील पहलगाम येथील दहशतवादी हल्ल्याप्रकरणी पाकिस्तानस्थित दहशतवादी हाफिज सईद याच्याविरुद्ध 'एनआयए'ने विशेष न्यायालयात पुरवणी आरोपपत्र दाखल केले.
या हल्ल्याचा मुख्य सूत्रधार हाफिज सईदच होता, असा थेट ठपका ठेवत, तपास यंत्रणेने भारताबाहेरून देशाविरुद्ध युद्ध छेडल्याचा गंभीर आरोप ठेवण्यात आला आहे.
लष्कर-ए-तोयबा अन् 'द रेसिस्टन्स फ्रंट' या दहशतवादी संघटनांचा प्रमुख म्हणून हाफिज सईदने पाकिस्तानमध्ये बसून हल्ल्याचा कट रचल्याचा ठपका आहे.
भारतीय न्याय संहिता 2023 आणि बेकायदेशीर कृत्य प्रतिबंधक कायदा 1967च्या विविध गंभीर कलमांखाली गुन्ह्याची नोंद करण्यात आली आहे.
हे नवे आरोपपत्र यापूर्वी दाखल केलेल्या 1597 पानांच्या मूळ आरोपपत्राचाच एक भाग असून, पाकिस्तानचे कारस्थान आणि हाफिज सईदविरुद्धचे वैज्ञानिक व तांत्रिक पुरावे सविस्तरपणे मांडले आहेत.
पहलगाम येथील दहशतवादी हल्ल्यात नागरिकांना धर्म पाहून लक्ष्य करत, अमानुष गोळीबारात 25 पर्यटक आणि एका स्थानिक नागरिकांना मारण्यात आले.Pahalgam Terror Attack
पहलगाम दशतवाही हल्ल्यात आता थेट मुख्य म्होरक्या हाफिज सईदलाच आरोपीच्या पिंजऱ्यात उभे केल्याने पाकिस्तानची कोंडी झाली आहे.
'एनआयए'ने तपास सुरू असून पाकिस्तानमधून चालवले जाणारे संपूर्ण दहशतवादी नेटवर्क आणि या कटातील प्रत्येक आरोपीला बेड्या ठोकण्यासाठी आणखी ठोस पुरावे गोळा केले जात असल्याचे सांगितले.