Vijaykumar Dudhale
उपमुख्यमंत्री अजित पवार यांच्या राष्ट्रवादीची जनसन्मान यात्रा आज चिपळूणमध्ये आली हेाती. येथील आमदार शेखर निकम अजितदादांसोबत खंबीरपणे उभे आहेत.
शेखर निकम हे चिपळूण संगमेश्वर मतदारसंघातून राष्ट्रवादी काँग्रेसच्या तिकिटावर मागील 2019 च्या निवडणुकीत निवडून आले आहेत.
पर्यटनाला चालना देण्यासाठी कोकणातील शिवकालीन 32 गड-किल्ल्यांचं नूतनीकरण आणि संवर्धनाचे काम सरकारने हाती घेतले आहे. शिवकालीन 12 किल्ल्यांना जागतिक वारसा नामांकन मिळवण्यासाठीचा प्रस्ताव युनेस्कोकडे पाठवला आहे. तसेच काताळशिल्पांनाही जागतिक वारसा नामांकन मिळवण्यासाठी प्रयत्न सुरू आहेत.
काजूपासून प्रक्रिया कारखान्यासाठी सरकार भांडवल देतं. कोकणातील फळांवर प्रक्रिया करणारे कारखाने उभे करण्यासाठी आम्ही मदत करण्यासाठी तत्पर आहोत.
महायुतीचे काही नेते बेताल वक्तव्य करत आहेत. अल्पसंख्याक समाजाच्या विरोधात चुकीच्या पद्धतीने बोलत आहेत. राष्ट्रवादी काँग्रेस त्यांच्या मताशी सहमत नाही.
तुम्हाला तुमच्या विचारधारा मांडायच्या असतील, तर तुम्ही मांडू शकता; परंतु तुम्ही वेगळ्या पद्धतीने बोलता आणि समाजामध्ये तेढ निर्माण करता, समाजात दुही निर्माण करता, जे समाजासाठी चांगले नाही.
बापापेक्षा लेक वस्ताद आहे. आदिती नेहमी तुमच्यासाठी चांगल्या योजना आणते. ती तुमचा आधार बनण्याचा प्रयत्न करते. ती आपल्या लेकीसारखी आहे.
हरिहरेश्वर ते श्रीवर्धन प्रवास पाच मिनिटांमध्ये करता येईल, असं काम आम्ही सध्या करत आहोत.