Rashmi Mane
बॉलीवूड गाजवलेल्या जया प्रदा यांनी राजकारणातही आपला करिष्मा दाखवून दिला आहे. पण सध्या त्या एका वेगळ्याच कारणांनी चर्चेत आल्या आहेत.
प्रसिद्ध बॉलिवूड अभिनेत्री आणि माजी खासदार जया प्रदा यांना उत्तर प्रदेशातील रामपूर येथील विशेष न्यायालयाने फरार घोषित केले आहे.
त्याचे कारण म्हणजे खटल्यांच्या सुनावणीसाठी हजर राहिल्या नाहीत. त्यामुळे कोर्टाने त्यांना फरार घोषित केले आहे.
2019 च्या लोकसभा निवडणुकीच्या वेळी निवडणूक आचारसंहितेचे उल्लंघन केल्या प्रकरणात त्यांच्यावर कारवाई करण्यात आली होती.
त्यांच्या विरूद्ध सात वेळा अजामीनपात्र वॉरंट जारी करूनही जयाप्रदा कोर्टात हजर झाल्या नाहीत.
वरिष्ठ फिर्यादी अधिकारी अमरनाथ तिवारी यांनी सांगितले की, 2019 च्या लोकसभा निवडणुकीदरम्यान आचारसंहितेच्या उल्लंघनाशी संबंधित दोन गुन्हे जया प्रदा यांच्याविरुद्ध कॅमरी आणि स्वार पोलिस ठाण्यात नोंदवण्यात आले होते.
अनेकवेळा समन्स बजावले पण जया प्रदा हजर झाल्या नाहीत.
त्याच्याविरुद्ध सात वेळा वेगवेगळ्या तारखांना अजामीनपात्र वॉरंट बजावण्यात आले होते, परंतु पोलीस त्यांना हजर करू शकल्या नाहीत. त्यामुळे त्यांना फरार घोषित करण्यात आले.