Roshan More
नितीश कुमार यांनी साथ सोडल्याने लालू प्रसाद यादव यांच्या आरजेडी पक्षाकडून हिंदुस्थान आवामी मोर्चा (हम) पक्षाचे संस्थापक जीतन राम मांझी यांना मुख्यमंत्री पदाची ऑफर दिली आहे.
मांझी यांच्या पक्षाचे बिहार विधानसभेत अवघे चार आमदार आहेत.
जीतन राम मांझी हे नितीश कुमार यांच्या जेडीयू पक्षात होते. मात्र, त्यांनी नितीश यांची साथ सोडून आपला हिंदुस्थान आवामी मोर्चा हा पक्ष स्थापन केला.
2014 च्या लोकसभा निवडणुकीनंतर नितीश कुमार यांनी जीतन राम मांझी यांना मुख्यमंत्री केले होते. मात्र, बिहार विधानसभा निवडणुकीच्या आधी मांझी यांना हटवून नितीश कुमार पुन्हा मुख्यमंत्री झाले.
जेडीयूचे 45 आमदार आहेत. भाजपकडे 78 आमदार आहेत. आरजेडीचे 79 आमदार आहेत· बहुमतासाठी 122 आमदारांचे समर्थन आवश्यक आहे. त्यामुळे 'हम'चार आमदारांना महत्व आले आहे.
जीतन राम मांझी हे 1980 मध्ये पहिल्यांदा आमदार झाले. त्यांच्यानंतर पाच वर्षानंतर नितीश कुमार आमदार झाले.
आरजेडीकडून मुख्यमंत्री पदाची ऑफर देण्यात आली असली तरी मांझी यांनी आरजेडीसोबत जाण्यास नकार दिला आहे.
जीतन राम मांझी यांचे वय 79 आहे. त्यामुळे त्यांनी यापूर्वीच आपण कोणतीही निवडणूक लढणार नसल्याचे घोषणा केली होती.