Ganesh Sonawane
घरभाडे, EMI, किराणा, वीज-पाणी, शिक्षण, विमा आणि औषधांचा किमान मासिक खर्च निश्चित करा. नोकरी गेल्यास कोणते खर्च थांबवता येतील, हेही आधीच ठरवा.
किमान सहा महिन्यांच्या अत्यावश्यक खर्चाएवढी रक्कम बाजूला ठेवा. नोकरीची अनिश्चितता जास्त असल्यास हा निधी ९ ते १२ महिन्यांचा ठेवा.
नोकरीची परिस्थिती अनिश्चित असताना मोठे कर्ज किंवा जास्त EMI घेण्याची घाई करू नका. उत्पन्न बंद झाल्यास कर्जाचा हप्ता आर्थिक ताण वाढवू शकतो.
नोकरी संपल्यानंतर कंपनीचा आरोग्य विमा मिळेलच असे नाही. त्यामुळे स्वतंत्र आरोग्य विमा असणे महत्त्वाचे आहे.
उत्पन्न चांगले असताना अतिरिक्त रक्कम आपत्कालीन निधी आणि महागडे कर्ज फेडण्यासाठी वापरा. दीर्घकालीन आर्थिक उद्दिष्टांसाठी सुरू असलेली बचत शक्य असल्यास कायम ठेवा.
नोकरीसोबत नवीन कौशल्ये शिकून फ्रीलान्स किंवा इतर उत्पन्नाच्या संधी शोधा. नोकरी गेल्यानंतर पर्याय शोधण्यापेक्षा आधीच तयारी असणे फायदेशीर ठरते.
नोकरी गेल्यावर घाबरून PF किंवा दीर्घकालीन गुंतवणूक चुकीच्या वेळी मोडण्याची घाई करू नका. गरज पडल्यास आर्थिक परिस्थिती पाहूनच निर्णय घ्या.
उत्पन्न बंद असताना क्रेडिट कार्डवर खर्च भागवणे टाळा. व्याज आणि थकीत रक्कम वाढल्यास आर्थिक संकट आणखी गंभीर होऊ शकते.