Rajanand More
सुप्रीम कोर्टाच्या सरन्यायाधीशांसह इतर न्यायाधीशांकडील संपत्तीची माहिती सार्वजनिक करण्यात आली आहे. कोर्टाच्या संकेतस्थळावर ही माहिती उपलब्ध आहे.
सर्वोच्च न्यायालयातील न्यायाधीश भूषण गवई हे भावी सरन्यायाधीश आहेत. त्यांनीही आपल्या संपत्तीची माहिती सार्वजनिक केली आहे.
संकेतस्थळावरील माहितीनुसार, अमरावतीमध्ये घर असून ते दिवंगत वडिलांनंतर वारसाहक्काने मिळालेले आहे. अमरावतीतच स्वत:च्या मालकीची आणि वारसाहक्काने मिळालेली शेतजमीन आहे. नागपुरातही त्यांच्या नावावर शेतजमीन आहे.
न्यायाधीश गवई यांचा मुंबईतील बांद्रा भागात त्याचप्रमाणे दिल्लीतील डिफेन्स कॉलनीमध्ये फ्लॅट आहे.
मुंबईतील न्यायसागर को.ऑ. सोसायटीचे एक हजार रुपयांचे शेअर्स, इतर 31 हजार 315 रुपयांचे. पीपीएफमध्ये 6,59,692 तर जीपीएफमध्ये 35,86,736 रुपये गुंतवणूक आहे.
न्यायाधीश गवई यांच्याकडे सुमारे सव्वा पाच लाखांचे तर पत्नीकडे 29 लाख 70 हजार रुपयांचे दागिने आहेत. पत्नीच्या दागिन्यांपैकी बहुतेक 750 ग्रॅमचे दागिने स्त्रीधन आहे.
बँक खात्यात 19 लाख 63 हजार 584 रुपये असून त्यांच्याकडे 61 हजार 320 रुपयांची रोकड आहे. इतर अडव्हॉन्समध्ये 54 लाख 86 हजार 841 रुपये आहेत.
सर्वोच्च न्यायालयाच्या संकेतस्थळावर देण्यात आलेल्या माहितीमध्ये न्यायाधीश गवई यांच्याकडे वाहन आहे किंवा नाही, याबाबत माहिती नाही.