Jagdish Patil
एकनाथ शिंदेंच्या शिवसेनेने अगदी शेवटच्या क्षणी ज्योती वाघमारेंना राज्यसभेची उमेदवारी जाहीर केली.
शिंदेंनी धक्कातंत्राचा वापर करत वाघमारे यांना उमेदवारी दिल्याने अनेकांना आश्चर्याचा धक्का बसला.
तर शिवसेनेकडून राज्यसभेची लॉटरी लागलेल्या ज्योती वाघमारे कोण आहेत ते जाणून घेऊया.
सोलापूरातील आंबेडकरी चळवळीतील आक्रमक चेहरा म्हणून ज्योती वाघमारे यांची ओळख आहे.
शैलीदार निवेदिका, उत्तम वक्त्या अशी ओळख असलेल्या वाघमारे यांची मातृभाषा तेलगू आहे.
त्यांनी इंग्रजी भाषेत PHD केली आहे. तर त्याचं मराठीवर देखील चांगलं प्रभुत्व आहे.
दलित पँथरचे कार्यकर्ते असलेले त्यांचे वडील नागनाथ वाघमारे हे सोलापूर पालिकेत नगरसेवक म्हणून निवडून आले होते.
ज्योती यांनी 2014 साली सोलापूर महिला काँग्रेस शहराध्यक्ष म्हणून काम केलं होतं.
त्यानंतर त्या राजकारणापासून लांब गेल्या. मात्र, पुन्हा शिवसेनेतून त्यांनी राजकारणात एन्ट्री केली.
सध्या त्या शिंदेंच्या शिवसेनेच्या प्रवक्त्या म्हणून पक्षाची बाजू आक्रमकपणे मांडतात.
त्यांनी वृत्त निवेदिका आणि महाविद्यालयात प्राध्यापिका म्हणूनही काही काळ काम केलं आहे.