Rajanand More
कर्नाटकातील आळंद विधानसभा मतदारसंघाचे काँग्रेसचे आमदार बी. आर. पाटील. मुख्यमंत्री सिध्दरामय्या यांच्या विश्वासू मानले जातात.
पाटील यांची एक ऑडिओ क्लिप व्हायरल झाली असून त्यामध्ये ते लाच दिल्याशिवाय सरकारी योजनेतून लोकांना घरंं मिळत नसल्याचा दावा करत आहे. त्यामुळे खळबळ उडाली आहे.
सरकारमधील चुकांवर परखड बोलणारे नेते म्हणूनही पाटील यांची ओळख आहे. सरकारसह ते स्वपक्षावरही सतत घाव घालत असतात. त्यामुळे त्यांची चर्चा होतच असते.
पाटील यांनी फेब्रुवारी महिन्यातच मुख्यमंत्र्याच्या राजकीय सल्लागार पदाचा राजीनामा दिला होता. मंत्रिपद नसणे आणि पक्षातील कुरघोडींवर ते नाराज असल्याची चर्चा त्यावेळी होती.
कर्नाटक राज्य धोरण आणि नियोजन आयोगाचे उपाध्यक्षपदाची जबाबदारी ते सध्या सांभाळत आहेत.
पाटील हे पहिल्यांदा 1983 मध्ये जनता पक्षाच्या तिकीटावर आमदार झाले. त्यानंतर 2004 मध्ये जेडीएस, 2013 मध्ये पुन्हा जनता पक्ष आणि 2023 मध्ये काँग्रेसमध्ये प्रवेश करून आमदार झाले.
डोक्यावर गांधी टोपी असलेले ते कर्नाटक विधानसभेतील एकमेव आमदार आहेत. गांधी टोपी परिधान करणाऱ्या देशातील मोजक्या राजकारण्यांमध्ये त्यांचा समावेश होतो.
पाटील यांची क्लिप व्हायरल झाल्याने आता काँग्रेस सरकार अडचणीत आले असून भाजपच्या हाती आयते कोलित मिळाले आहे.