Rajanand More
मध्य प्रदेशातील कटनी जिल्ह्यातील DSP नेहा पच्चीसिया यांना सेवेतून निलंबित करण्यात आले आहे. खुद्द मुख्यमंत्री मोहन यादव यांनीच निलंबनाचे आदेश दिले आहे.
नेहा पच्चीसिया यांच्यासह अन्य दोघांवर फसवणूक, दबाव टाकणे आणि गुन्हेगारी संगनमताच्या आरोपाखाली गुन्हा दाखल करण्यात आला आहे. त्यानंतर मुख्यमंत्र्यांनी निलंबनाचे आदेश दिले.
तक्रारदाराच्या आरोपानुसार, आपल्या वडिलांवर दबाव टाकून जमीन कमी किंमतीत विकण्यास भाग पाडले. यामध्ये सुमारे 1.07 कोटी रुपयांचा व्यवहार ठरल्याचा दावा करण्यात आला आहे.
दबावाखाली जमिनीची नोंदणी केवळ सुमारे 18.20 लाख रुपयांत करण्यात आल्याचा आरोप आहे. विशेष म्हणजे सरकारी दरानुसार संबंधित जमिनीची किंमत सुमारे 82.86 लाख रुपये असल्याचे सांगितले जात आहे.
आरोपींनी व्यवहारानंतर केवळ 15 लाख रुपयांचा धनादेश आणि 3.20 लाख रुपये रोख दिले. मात्र उर्वरित रक्कम देण्यात आली नसल्याचा आरोप.
एका वाहतुकदाराने यापूर्वी नेहा पच्चीसिया यांच्यावर 25 हजार रुपयांच्या खंडणीचा आरोप केला होता. हे प्रकरणही त्यावेळी गाजले होते.
नेहा या पोलीस सेवेत येण्यापूर्वी एअर होस्टेस म्हणून काम करत होत्या. या नोकरीचा राजीनामा देऊन त्यांनी स्पर्धा परीक्षांचा अभ्यास सुरू केला. मध्य प्रदेश लोकसेवा आयोगाची परीक्षा उत्तीर्ण होऊन त्या पोलीस अधिकारी बनल्या आहेत.
एअर होस्टेस असल्यापासून नेहा यांना ग्लॅमरचे आकर्षण होते. त्यामुळे पोलीस अधिकारी झाल्यानंतर त्यांचा वापर तसाच होतो. त्यावरूनही त्या सतत चर्चेत असायच्या. यानेच त्यांचा घात केल्याची चर्चा आहे.