Aslam Shanedivan
पुणे विभाग विधानपरिषद शिक्षक मतदारसंघावरून महायुतीत जोरदार रस्सीखेच पाहायला मिळत असून उभी फूट पडली आहे.
दरम्यान पुणे शिक्षक मतदारसंघ निवडणुकीच्या निमित्ताने महायुती विरुद्ध काँग्रेस असा थेट मुकाबला होणार आहे.
भाजपने कौस्तुभ मुरलीधर गावडे यांना उमेदवारी दिली आहे. तर काँग्रेसकडून विद्यमान आमदार जयंत आसगावकर यांनाच पुन्हा संधी दिली आहे.
एकीकडे महायुतीतच जोरदार रस्सीखेच सुरू असताना आता कौस्तुभ गावडे कोण याबाबत अनेकांना प्रश्न पडला आहे.
कौस्तुभ गावडे हे कोल्हापूर येथील 'श्री स्वामी विवेकानंद शिक्षण संस्थेचे' मुख्य कार्यकारी अधिकारी (CEO) आहेत.
तसेच कौस्तुभ गावडे हे शिक्षणमहर्षी डॉ. बापूजी साळुंखे यांचे ते नातू आहेत.
कौस्तुभ गावडे हे उच्चविद्याविभूषित असून 'एम.कॉम' आणि 'एमबीए' असे शिक्षण पूर्ण केले आहे.