Jagdish Patil
२६ वर्षीय केतन अग्रवाल या तरूणाची त्याच्या होणाऱ्या पत्नीनेच दरीत ढकलून हत्या केल्याची घटना समोर आली आहे.
अपघात झाल्याचा बनाव रचत सिया गोयलने तिच्या होणाऱ्या पतीची प्रियकर चेतनच्या मदतीने हत्या केली.
पोलिसांना या अपघातावर संशय आल्याने या हत्येचा उलगडा झाला आणि संपूर्ण राज्यभरात हे प्रकरण चर्चेत आलं.
सिया आणि केतन यांचा फेब्रुवारी महिन्यात साखरपुडा झाला होता. तर यावर्षी त्यांचं लग्न होणार होतं.
लग्नासाठी राजस्थानमध्ये कोट्यवधींचा एक राजवाडा आणि २ विमानं बुक केल्याची माहिती समोर आली आहे.
असं असतानाही उच्चशिक्षित असलेल्या केतनची हत्या सियाने केल्याने अनेकांना धक्का बसला आहे.
तर प्रियकराच्या मदतीने सियाने हत्या केलेला केतन अग्रवाल कोण होता? हे जाणून घेऊया.
पुण्यातील रहिवासी असलेल्या केतनने बॅबसन F.W. ओलिन ग्रॅज्युएट स्कूल ऑफ बिझनेसमधून एंटरप्रेन्योरशिप या विषयात मास्टर ऑफ सायन्सची पदवी घेतली होती.
तसंच त्याने सिम्बायोसिस युनिव्हर्सिटीमधून बीबीएची पदवीही घेतली होती, ही माहिती त्याच्या लिंक्डइन बायोवर देण्यात आली आहे.
सध्या तो त्यांच्या सक्सेस ग्रुप या कौटुंबिक रिअल इस्टेट व्यवसायात संचालक आणि CMO म्हणून कार्यरत होता.