Deepak Kulkarni
अभिनेत्री केतकी चितळे आणि वाद हे जणू समीकरणच बनलं आहे. म्हणूनच तिला काॅन्ट्रवर्सी क्वीन म्हणूनही ओळखले जाऊल लागले आहे.
मराठी चित्रपट, मालिका आणि नाटकांमध्ये काम केल्यानंतर अभिनेत्री केतकीने हिंदी मालिकांमध्येही काम केले आहे.
आपल्या वादग्रस्त वक्तव्यांमुळे आणि पोस्टमुळे चर्चेत असणाऱ्या केतकीविरोधात अनेकदा गुन्हे दाखल करण्यात आले आहेत.
अभिनेत्री केतकी चितळेचा जन्म 30 डिसेंबर 1992 रोजी पुण्यात झाला.
अभिनेत्री केतकीने तिचे शालेय आणि महाविद्यालयीन शिक्षण पुण्यातच पूर्ण केले आहे.
केतकी चितळे पुन्हा एकदा चर्चेत आली आहे. तिने नुकत्याच एका कार्यक्रमात ॲट्रॉसिटी कायद्यासंदर्भात वादग्रस्त व्यक्तव्य केलं होतं.
तिला ॲट्रॉसिटी कायद्याबद्दलचे वादग्रस्त वक्तव्य भोवले आहे. या प्रकरणी परळी पोलिस ठाण्यात धार्मिक भावना दुखावल्याचा गुन्हा नोंद झाला.
केतकी याआधीही विविध कारणांमुळे चर्चेत राहिली. आपल्या वादग्रस्त पोस्टमुळे तिला अनेकदा ट्रोलिंगलाही सामोरं जावं लागलं आहे.
शरद पवारांबाबत वादग्रस्त पोस्ट केल्याप्रकरणी तिच्याविरुद्ध गुन्हा दाखल करण्यात आला होता. तसेच तिला अटकही करण्यात आली होती. केतकीविरूद्ध आतापर्यंत या प्रकरणी १३ गुन्हे दाखल झाले आहेत.