Roshan More
नाशिकमध्ये होणाऱ्या आगामी २०२७ मध्ये होणाऱ्या सिंहस्थ कुंभमेळ्यासाठी बोधचिन्ह निश्चित करण्यात आले आहे.
राष्ट्रीयस्तरावरील स्पर्धेतून बोधचिन्हाची निवड करण्यात आली. अध्यात्मिक चिन्हांचा यामध्ये समावेश आहे.
मुख्यमंत्री देवेंद्र फडणवीस, उपमुख्यमंत्री एकनाथ शिंदे व उपमुख्यमंत्री सुनेत्रा पवार यांच्या हस्ते नाशिक-त्र्यंबकेश्वर सिंहस्थ कुंभमेळ्या'च्या बोधचिन्हाचे अनावरण झाले.
बोधचिन्हामध्ये भारतीय अध्यात्म, श्रद्धा आणि सिंहस्थ परंपरेचे दर्शन घडते.
भगवान शंकराचे त्रिशूळ, पवित्र श्री क्षेत्र त्र्यंबकेश्वर मंदिराची छटा व शिवलिंगाच्या स्वरुपात साकारलेली गोदावरी नदी यांचा या बोधचिन्हामध्ये अत्यंत समर्पक आणि कलात्मक वापर करण्यात आला आहे.
'नाशिक-त्र्यंबकेश्वर सिंहस्थ कुंभमेळ्या'चे अधिकृत बोधचिन्ह मुंबई येथील गेटवे ऑफ इंडिया आणि छत्रपती शिवाजी महाराज टर्मिनस स्थानकाच्या इमारतीवर झळकावण्यात आले.