सरकारनामा ब्यूरो
राष्ट्रीय जनता दलाचे राष्ट्रीय अध्यक्ष लालू प्रसाद यादव सतत कोणत्या न् कोणत्या कारणाने चर्चेत असतात.
गेल्या काही दिवसाआधी त्यांनी राष्ट्रगीताचा अवमान केल्याने नेटकऱ्यांनी त्यांच्यावर टीका केली होती. आता ते एका वेगळ्याच कारणाने चर्चेत आले आहेत.
लालू प्रसाद यादव हे पाटण्याहून मुझफ्फरपूरला जात असताना बिहारच्या वैशाली जिल्ह्यात त्यांचा गाड्यांचा ताफा राजद कार्यकर्ते आणि समर्थकांनी अडवले.
गाड्यांचा ताफा अडवत त्यांचे राजद कार्यकर्ते, माजी जिल्हा परिषद सदस्य केदार प्रसाद यादव आणि त्यांच्या अनेक कार्यकत्यांनी मिळून त्यांचे भव्य स्वागत केले.
माजी जिल्हा परिषद सदस्य केदार प्रसाद यादव यांनी रात्रीच्या जेवणात घरी बनवलेली मक्याची भाकरी,सरसो का साग आणि बथुवा दिली.
केदार प्रसाद यादव यावेळी म्हणाले, "लालू बाबू हे गरिबांचे देव आहेत, ते गरिबांच्या हातून मक्याची रोटी आणि बथुआ सागची भाजी खातील.
"मी सुदामा आहे आणि लालूजी कृष्ण आहेत" असंही यावेळी केदार प्रसाद यादव यांनी सर्व कार्यकर्त्यांसमोर म्हणाले.
ते म्हणाले की, यावेळी जनतेच्या कृपाने बिहारचे मुख्यमंत्री तेजस्वी यादव होतील.