Jagdish Patil
अर्जेन्टिनाचा जगप्रसिद्ध फुटबॉलर लिओनेल मेस्सी 3 दिवसीय भारत दौऱ्यावर आला होता.
दौऱ्याच्या पहिल्याच दिवशी कोलकात्यात मेस्सीला पाहण्यासाठी लाखो चाहत्यांनी गर्दी केली होती.
मात्र कोलकात्यातील स्टेडियमवर मेस्सीला नीट पाहता आलं नाही म्हणून चाहत्यांनी खुर्च्या तोडत आपला संताप व्यक्त केला.
मेस्सीने कोलकात्यात त्याच्या 70 फूट उंच पुतळ्याचे व्हर्चुअली उद्घाटन केलं. यावेळी बॉलीवूड अभिनेता शाहरुख खान देखील उपस्थित होता.
त्यानंतर मेस्सी हैदराबादमधील उप्पल स्टेडियमवर तेलंगणाचे मुख्यमंत्री रेवंथ रेड्डी यांच्यासोबत फुटबॉल खेळला.
रविवारी मेस्सीचे मुंबईतील वानखेडे स्टेडियमवर मुख्यमंत्री देवेंद्र फडणवीस यांनी स्वागत केलं.
वानखेडे स्टेडियमवर देखील मेस्सीची झलक पाहण्यासाठी लाखो चाहत्यांनी गर्दी केली होती.
दरम्यान, राष्ट्रवादी काँग्रेसचे नेते प्रफुल पटेल यांनी त्यांच्या घरी मेस्सी आला होता, तेव्हाचे फोटो सोशल मीडियावर शेअर केलेत.
पटेल यांनी फोटोच्या कॅप्शनमध्ये 'मेस्सीला सलग दोन दिवस भेटण्याची संधी मिळाल्याचा अनुभव कायम स्मरणात राहील', असं लिहिलं आहे.
या फोटोंमध्ये मेस्सीच्या स्वागतासाठी त्यांनी एक खास केक तयार केल्याचं दिसत आहे.
तर यावेळी प्रफुल पटेल यांच्या कुटुंबियांनी मेस्सीसोबत फोटोसेशन केल्याचंही पाहायला मिळत आहे.