Akshay Sabale
भाजपचे नगर दक्षिणचे उमेदवार खासदार डॉ. सुजय विखे यांनी सोमवारी ( 22 एप्रिल ) उमेदवारी अर्ज दाखल केला. उमेदवारी अर्जाबरोबर संपत्तीचं विवरणपत्रही दाखल केलं आहे.
सुजय विखे यांच्या संपत्तीत गेल्या पाच वर्षांत साडेअकरा कोटी रुपयांची वाढ झाली आहे.
विखे यांच्यावर एकही गुन्हा दाखल नाही, तर तीन कोटी रुपयांचं कर्ज त्यांच्यावर आहे.
सुजय विखे यांच्याकडे जंगम आणि स्थावर अशी एकूण वैयक्तिक मालमत्ता 23 कोटी 11 लाख 40 हजार 478 रुपये आहे.
पाच वर्षांपूर्वीच्या 2019 च्या निवडणुकीत त्यांनी आपली मालमत्ता 11 कोटी 17 लाख 56 हजार 439 रुपये असल्याचे उमेदवारी अर्जात नमूद केले होते.
पाच वर्षांत सुजय विखे यांच्या वैयक्तिक संपत्ती 11 कोटी 93 लाख 94 हजार 39 रुपयांची वाढ झाली आहे.
सुजय विखे यांच्या पत्नी धनश्री विखे यांची पाच कोटी 82 लाख 2 हजार 263 रुपये एवढी मालमत्ता जाहीर केली आहे.
सुजय विखे यांनी यंदाही त्यांनी स्वमालकीचे वाहन नसल्याचे स्पष्ट केले आहे.
सुजय विखे यांच्यावर 3 कोटी 64 लाख 13 हजार 209 रपये कर्ज आहे. त्यात दोन कोटी 24 लाख 13 हजार 209 रुपये प्रवरा सहकारी बँकेचे गृहकर्ज आहे.
एक कोटी 40 लाख रुपये अनिशा ट्रेडिंग कंपनीकडून उसनवारीने घेतले आहे. पुणे येथील डॉ. डी. वाय. पाटील वैद्यकीय महाविद्यालयातून वैद्यकीय शिक्षण घेतले आहे.
R