Akshay Sabale
जालना लोकसभा मतदारसंघातून सहाव्यांदा निवडणूक लढवत असलेले रावसाहेब दानवे यांच्या उत्पनात गेल्या पाच वर्षांत 26 लाख 52 हजार रूपयांची वाढ झाली.
दानवे यांच्याकडे सध्या 24 कोटी 37 लाख रूपयांची स्थावर मालमत्ता असून 4 कोटी 51 लाख रूपयांची जंगम मालमत्ता आहे.
रावसाहेब दानवे यांच्यावर 4 कोटी 2 लाखांचं कर्ज आहे.
रावसाहेब दानवे यांच्या पत्नी निर्मला दानवे यांच्या नावे 12 कोटी 83 लाख 38 हजार रूपयांची स्थावर आणि 88 लाख 44 हजार रूपयांची जंगम मालमत्ता आहे.
निर्मला दानवे यांच्यावर 3 कोटी 46 लाख 33 हजार रूपयांचं कर्ज आहे.
रावसाहेब दानवे यांना 93 लाख रूपयांची तर निर्मला दानवेंना 3 कोटी 88 लाख 36 हजार रूपयांची मालमत्ता वारसाहक्कानं मिळालेली आहे.
जिजामाता गृहनिर्माण संस्था, मुंबई यात 2 लाख 50 हजार रूपयांचे शेअर यासह रामेश्वर साखर कारखाना, सिध्देश्वर साखर कारखाना आणि स्थानिक सहकारी संस्थेत दानवे यांचे शेअर आहेत.
रावसाहेब दानवे यांच्या पोस्टात 6 कोटी 44 लाख विविध बँक आणि सहकारी पतसंस्थेत 2 कोटी 46 लाख 36 हजार रूपयांच्या ठेवी आहेत.
रावसाहेब दानवेंजवळ 5 तोळे सोने आणि 4 किलो 700 ग्रॅम चांदी आहे. निर्मला दानवेंजवळ 45 तोळे सोने आणि 2 किलो 700 ग्रॅम चांदी आहे. 18 लाख 24 हजार रूपयांचे पशूधन दानवेंजवळ आहे.
दानवे आणि त्यांच्या पत्नीच्या नावे जवखेडा बु. आणि खु. भोकरदन, राजूर, नळणी, जालना, जळगाव सपकाळ, विझोरा, धावडा, पद्मावती, तपोवन या ठिकाणी सुमारे 70 एकर शेतजमीन आहे.