Akshay Sabale
पुण्यातील भाजपचे उमेदवार मुरलीधर मोहोळ यांच्यासाठी मनसे अध्यक्ष राज ठाकरे यांनी सभा घेतली.
यानंतर शनिवारी, 11 मेला राज ठाकरे यांनी माजी मंत्री, भाजपचे नेते हर्षवर्धन पाटील यांच्या पुण्यातील निवासस्थानी भेट दिली.
यावेळी हर्षवर्धन पाटील यांच्या पत्नी आणि मुलगी अंकिता पाटील यांनी औक्षण करून राज ठाकरे यांचं स्वागत करण्यात आलं.
हर्षवर्धन पाटील यांनी गणेश मूर्ती राज ठाकरे यांना भेट दिली.
आपल्या फेसबुक पोस्टमध्ये हर्षवर्धन पाटील म्हणाले, सध्या महाराष्ट्र आणि देशात लोकसभा निवडणुकीचे वारे वाहत असून, या पार्श्वभूमीवर राज ठाकरे यांच्याशी गप्पा झाल्या.
पूर्वीचे पुणे शहर आणि सध्याचे शहर यामध्ये अनेक मोठे बदल झाले आहेत.
येणाऱ्या काळात पुणे शहरात कशाप्रकारे बदल असायला हवेत, याबाबत त्यांनी चर्चा केली.
यावेळी राज ठाकरेंनी पूर्वीचे अनेक किस्से बोलून दाखवले, तसेच जुन्या आठवणींना उजाळा दिला, असं पाटलांनी म्हटलं.