Akshay Sabale
महायुतीचे उत्तर-पूर्व मुंबईतील उमेदवार मिहीर कोटेचा यांची संपत्ती 47 लाखांवरून तिप्पट वाढ होत दीड कोटींवर पोहचली आहे.
संपत्तीपेक्षा कर्जाचा डोंगर जास्त असल्याचं दिसून आलं. पण, गेल्या पाच वर्षात 15 कोटी 62 लाखांच्या कर्जाचा आलेख सव्वा सात कोटींवर आला आहे.
निवडणूक कार्यालयात सादर केलेल्या प्रतिज्ञापत्रानुसार, अकरावी पास असलेले कोटेजा हे व्यावसायिक आहेत. मिहीर कोटेचा यांचं 2018-19 मध्ये उत्पन्न 47 लाख 97 हजार 740 होते.
कोविड काळात उत्पन्नात वाढ होत 2019-20 मध्ये 53 लाख, 2020-21 मध्ये 75 लाख, 2021-22 मध्ये सव्वा कोटीवरून 2022-23 मध्ये दीड कोटी झाले आहे.
2019 मध्ये मिहीर कोटेचा यांची जंगम मालमत्ता 15 कोटी 17 लाख 81 हजार 173 तर त्यांची पत्नी पायल यांच्या नावे 1 कोटी 22 लाख इतकी आहे.
2024 मध्ये तीच मालमत्ता 7 कोटी 23 लाख 63 हजार 608 वर पोहचली आहे. तर, स्थावर मालमत्ता 3 कोटी 65 लाख 72 हजार 500 इतकी आहे.
2019 च्या प्रतिज्ञापत्रानुसार कोटेचा यांच्या डोक्यावर 15 कोटी 62 लाख 63 हजार 97 चे कर्ज होते. दुसरीकडे पत्नीकडूनही 42 लाख 65 हजार 228 रुपयांचे कर्ज घेतले आहे.
2024 पर्यंत पत्नीचे कर्ज 20 लाख 19 हजार पर्यंत आले आहे. एकूण कर्जाची रक्कम 7 कोटी 37 लाख 95 हजारांवर आली आहे.
विविध शेअर्स मध्ये कोटेचा यांनी 3 कोटी 58 लाखांची गुंतवणूक केली आहे. 2019 मध्ये हाच आकडा साडे चार कोटी होता.
कोटेचा दाम्पत्याकडे एकूण 74 तोळे सोने दीड किलो चांदी आणि हिरेजडित दागिने आहेत.