Akshay Sabale
देशातील बहुचर्चित मतदारसंघातील एक असलेल्या वाराणसी लोकसभेतून पंतप्रधान नरेंद्र मोदी तिसऱ्यांदा निवडणूक लढत आहेत.
यंदा वाराणसीतून पंतप्रधान मोदी 'अबकी बार 10 लाख पार...', असा नारा भाजपनं दिला आहे. 2014 आणि 2019 निवडणुकीत पंतप्रधानांना किती मते पडले होती, हे जाणून घेऊया....
वाराणसी मतदारसंघात 19.62 लाख मतदार आहेत. रोहनिया, वाराणसी उत्तर, वाराणसी दक्षिण, वाराणसी कैंट आणि सेवापुर हे मतदारसंघात वाराणसी लोकसभेअंतर्गत येतात.
2024 च्या लोकसभा निवडणुकीत पंतप्रधान नरेंद्र मोदी यांच्याविरुद्ध काँग्रेसनं अजय राय यांना उमेदवारी दिली आहे.
2019 मध्ये पंतप्रधानांनी 6 लाख 74 हजार 664 मते मिळवत विजय मिळवला होता. दुसऱ्या क्रमाकांवर सपाच्या शालिनी यादव, तर तिसऱ्या क्रमाकांवर काँग्रेसचे अजय राय होते.
शालिनी यादव यांना 1 लाख 95 हजार 159 मते तर अजय राय यांना 1 लाख 52 हजार मते मिळाली होती.
2014 च्या निवडणुकीत पंतप्रधान मोदींनी अरविंद केजरीवाल यांचा 3 लाख 71 हजार 784 मतांनी पराभव केला.
पंतप्रधान मोदींना 5 लाख 16 हजार 593 मते, तर केजरीवालांना 1 लाख 79 हजार 739 मते मिळाली होती.