सरकारनामा ब्यूरो
निवडणुकांसाठी 10.5 लाख मतदान केंद्रे तयार असून, 1.5 कोटी कर्मचारी यासाठी कार्यरत असणार आहेत.
आतापर्यंत देशात 17 लोकसभा निवडणुका पार पडल्या आहेत. आता 18 व्या लोकसभा निवडणुकांचा कार्यक्रम जाहीर झाला आहे.
यंदाची लोकसभा निवडणूक देशभरात सात टप्प्यांत होणार आहे.
शांततेत निकोप निवडणुका पार पाडण्यासाठी देशात सात, तर महाराष्ट्रात एकूण पाच टप्प्यांत ही मतदान प्रक्रिया पार पडेल.
राज्यात विदर्भातील रामटेक, नागपूर, भंडारा-गोंदिया, गडचिरोली-चिमूर, चंद्रपूर या ठिकाणी 19 एप्रिलला पहिल्या टप्प्याचे मतदान होईल.
26 एप्रिलला बुलडाणा, अकोला, अमरावती, वर्धा, यवतमाळ - वाशीम, हिंगोली, नांदेड आणि परभणी या ठिकाणी दुसऱ्या टप्प्याचे मतदान होईल.
रायगड, बारामती, धाराशीव, लातूर, सोलापूर, माढा, सांगली, सातारा, रत्नागिरी- सिंधुदुर्ग, कोल्हापूर, हातकणंगले या ठिकाणी 7 मे ला मतदान होईल.
13 मे ला नंदूरबार, जळगाव, रावेर, जालना, छत्रपती संभाजीनगर, मावळ, पुणे, शिरूर, अहमदनगर, शिर्डी आणि बीडला मतदान पार पडेल.
पाचवा आणि शेवटच्या टप्प्यात धुळे, दिंडोरी, नाशिक, पालघर, भिवंडी, कल्याण, ठाणे आणि मुंबईतील सर्व सहा मतदारसंघांत मतदान पार पडेल.
R