Akshay Sabale
लोकसभेच्या सहाव्या टप्प्यासाठी मतदान पार पडत आहे. आठ राज्यातील 58 जागांवर मतदान होत आहे. जम्मू-काश्मीरमधील एका जागेवर पुन्हा मतदान होत आहे.
काँग्रेसच्या नेत्या, सोनिया गांधी आणि खासदार राहुल गांधी यांनी दिल्लीतील एका मतदान केंद्रावर मतदान केलं आहे.
पहिल्यांदाच गांधी कुटुंबानं काँग्रेसच्या 'पंजा'ला मतदान केल आहे. कारण, गांधी कुटुंब राहते, तिथे काँग्रेसचा उमेदवार नाही. नवी दिल्लीत 'आप' विरुद्ध भाजप लढत होत आहे.
काँग्रेस महासचिव प्रियंका गांधी यांनी दिल्लीत अटल आदर्श विद्यालयात, लोधी इस्टेट येथील मतदान केंद्रावर मतदानाचा अधिकार बजावला आहे.
'इंडिया' आघाडी जिंकणार. महागाई आणि बेरोजगारी ही मोठी समस्या आहे. संविधान आणि लोकशाहीसाठी आम्ही मतदान करत आहोत, असं प्रियंका गांधी यांनी मतदानानंतर सांगितलं.
परराष्ट्र मंत्री एस. जयशंकर यांनी अटल आदर्श विद्यालयात मतदान केलं आहे. मतदान केंद्रावर पहिले मत टाकल्यानं त्यांना प्रमाणपत्रही देण्यात आलं.
ओडिशाचे मुख्यमंत्री नवीन पटनायक यांनी भुवनेश्वर एरोड्रम यूपी येथील शाळेत मतदान केलं आहे. यानंतर त्यांनी सेल्फी पॉइंट येथे फोटोही काढला आहे.