Akshay Sabale
अमरावतीत काँग्रेसचे उमेदवार बाळासाहेब वानखेडे यांच्या प्रचारार्थ उद्धव ठाकरे आणि शरद पवार यांच्या उपस्थितीत मेळावा पार पडला.
या मेळाव्यातून उद्धव ठाकरेंनी पंतप्रधान नरेंद्र मोदी आणि राणा दाम्पत्यावर सडकून टीका केली आहे.
आम्ही मूर्खपणा केल्यानं नरेंद्र मोदी पंतप्रधान झाले आहेत. 15 लाख मिळणार होते, ते अद्यापही मिळालेले नाहीत.
ही निवडणूक मोदींच्या जीवन मरणाची नाहीतर, शेतकऱ्यांच्या जीवन मरणाची लढाई आहे.
ही भूमी तुकडोजी महाराज, संत गाडगेबाबा यांची आहे. तुकडोजी महाराज फक्त भजन कीर्तन करत नव्हते. त्यांनी क्रांतिकारकांना प्रेरणा दिली.
तुकडोजी महाराजांनी आपल्या वाणीतून देशप्रेम जागृत केलं. सत्तेवर बसणाऱ्यांचा स्वातंत्र्य लढ्याशी काडीचाही संबंध नव्हता.
अमरावतीत थापड्यांची आणि खोटारड्यांची लंका जाळायला आलो आहोत. आजपर्यंत यांची थेरं खूप पाहिली.
मला खात्रीय की अमरावतीतील शिवसेनाप्रमुख बाळासाहेब ठाकरे यांचा कट्टर शिवसैनिक कधीही गद्दाराला साथ देणार नाही. अपमानाचा सूड घेतल्याशिवाय स्वस्थ बसणार नाही.
शिवसेना समोरून वार करते, मागून वार करणारी औलाद आमची नाही. आम्ही छातीवर वार झेलणारे आणि समोरून वार करणारे आहोत.
R