Akshay Sabale
ठाणे लोकसभा मतदारसंघ हा शिवसेनेचा बालेकिल्ला आहे. येथून नरेश म्हस्के यांना शिवसेनेकडून लोकसभेची उमेदवारी देण्यात आली आहे.
नरेश म्हस्के हे मुख्यमंत्री एकनाथ शिंदे यांचे निकटवर्तीय मानले जातात. म्हस्के हे अनेक वर्षापासून ठाण्यात नगरसेवक आणि महापौरही होते.
नरेश म्हस्के यांच्या राजकीस प्रवासाची सुरुवात भारतीय विद्यार्थी सेनेपासून झाली. यानंतर ते नगरसेवक, जिल्हाप्रमुख, सभागृह नेते आणि महापौर असा त्यांचा प्रवास आहे.
आमदारकीसाठी इच्छुक असताना म्हस्केंना तिकीट न मिळाल्याने त्यांना ठाणे मनपाचे महापौर करण्यात आले अशी चर्चा होती.
म्हस्केंच्या आक्रमक शैलीमुळे त्यांनी काँग्रेस-राष्ट्रवादीवर जोरदार हल्लाबोल केला होता.
ठाणे मनपामध्ये नरेश म्हस्के हे चार टर्म नगरसेवक आहेत. यातील दोन वेळेस ते निवडून आले आहेत तर दोन वेळा ते स्वीकृत नगरसेवक म्हणून सभागृहात बसले.
2012 मध्ये नरेश म्हस्के यांची ठाणे मनपाच्या स्विकृत नगरसेवकपदी निवड करण्यात आली. यानंतर ते 2017 ला नगरसेवक म्हणून निवडून आले.
2017 ला त्यांच्यावर सभागृह नेता म्हणून जबाबदारी देण्यात आली. तर 2019 मध्ये ते ठाण्याचे महापौर बनले.
आता म्हस्केंना लोकसभेचं तिकीट देण्यात आलं आहे. त्यांची लढाई ठाकरे गटाचे उमेदवार राजन विचारे यांच्याशी होणार आहे. त्यामुळे ठाण्यात शिवसेना विरुद्ध शिवसेना लढत दिसेल.