Rashmi Mane
अभिनेत्री माधुरी दीक्षित सध्या चर्चेत आहेत.
माधुरी दीक्षित यांनी भारतीय चित्रपटसृष्टीत 80 आणि 90 चे दशक गाजवले आहे.
धक धक गर्ल म्हणून प्रसिद्ध असणाऱ्या माधुरी दीक्षित यांचे प्रचंड फॅनफॉलोविंग आहे.
आपल्या अभिनयामुळे लोकप्रिय असणाऱ्या माधुरी दीक्षित आता पुन्हा चर्चेत आल्या आहेत.
अभिनेत्री माधुरी दीक्षित लोकसभा निवडणूक लढवणार असल्याची चर्चा पुन्हा एकदा सुरू झाली आहे.
आगामी काळात होणाऱ्या लोकसभा निवडणुकीत माधुरी यांना भाजपतर्फे तिकीट मिळण्याची शक्यता वर्तवली जात आहे.
काही महिन्यांपूर्वी गणेशोत्सवादरम्यान केंद्रीय गृहमंत्री अमित शाह मुंबईत आले होते. त्यावेळी उपमुख्यमंत्री देवेंद्र फडणवीस यांच्या 'सागर' या शासकीय निवासस्थानी त्यांची भेट झाली होती.
या भेटीनंतर माधुरी दीक्षित मुंबईतून भाजपतर्फे लोकसभा निवडणूक लढवणार असल्याच्या चर्चांना सुरुवात झाली.