Jagdish Patil
NEET-UG 2026 पेपरफुटीच्या पार्श्वभूमीवर राज्य सरकारने खासगी कोचिंग क्लासेसबाबत मोठा निर्णय घेतला आहे.
खासगी क्लासेसचे नियमन आणि विद्यार्थ्यांची सुरक्षितता सुनिश्चित करण्यासाठी शालेय शिक्षण व क्रीडा विभागाने नियमांचा मसुदा प्रसिद्ध केला आहे.
या मसुद्यानुसार आता 25 पेक्षा जास्त विद्यार्थी असलेल्या कोचिंग क्लासेसची नोंदणी बंधनकारक असेल.
डमी स्कूल आणि इंटिग्रेटेड कोचिंग पद्धतीवर बंदी घालण्याची तरतूद मसुद्यात करण्यात आली आहे.
तळघरात कोचिंग क्लासेस चालवण्यास बंदी असून, अग्निसुरक्षा आणि इमारत सुरक्षा प्रमाणपत्र घेणे आवश्यक असेल.
कोचिंग सेंटरमध्ये किमान एक महिन्याचे CCTV फुटेज जतन करणे बंधनकारक असेल.
दखलपात्र गुन्हा दाखल असलेल्या व्यक्तीला कोचिंग सेंटरमध्ये नोकरी देता येणार नाही.
विद्यार्थ्यांना दिवसाला 5 तास क्लास घेणे आणि आठवड्यातून एक दिवस सुट्टी देणे बंधनकारक असेल.
अभ्यासक्रम सुरू झाल्यानंतर फी वाढवता येणार नाही. विद्यार्थ्याने मध्येच क्लास सोडल्यास उर्वरित फी परत करावे लागेल.
नियमांचे उल्लंघन केल्यास 10 ते 50 लाख रुपयांपर्यंत दंड, तसेच क्लास बंद करण्याची किंवा नोंदणी रद्द करण्याची कारवाई होऊ शकते.
13 वर्षांखालील मुलांना कोचिंग सेंटरमध्ये प्रवेश देता येणार नाही तर या मसुद्याबाबत नागरिकांकडून 4 सप्टेंबरपर्यंत हरकती मागवण्यात आल्या आहेत.