Mangesh Mahale
राज्यातील एकूण 49 हजार 562 शिक्षकांना वेतन अनुदानाचा पुढील टप्पा मंजूर करण्यात आला आहे.
2 हजार 714 शिक्षक आणि शिक्षकेतर कर्मचाऱ्यांना 20 टक्के वेतन अनुदान मंजूर करण्यात आले आहे.
हे वेतन अनुदान 1 ऑगस्ट 2025 पासून लागू होणार असून, यासाठी सरकारकडून एकूण 970 कोटी 42 लाख रुपयांचा खर्च अपेक्षित आहे.
ऑगस्टच्या वेतनासोबत म्हणजेच जे वेतन सप्टेंबर मध्ये शिक्षकांच्या खात्यात येईल त्या वेतनासोबत या निर्णयाचा लाभ मिळणार आहे.
यासाठी शिक्षण विभागाकडून वित्त विभागाकडे तब्बल 1400 कोटी रुपयांची मागणी करण्यात आली आहे.मुंबईत आंदोलन
वाढीव अनुदान मिळावे यासाठी मुंबईत आंदोलन उभारण्यात आले होते. या आंदोलनाला विविध शैक्षणिक संघटनांनी पाठिंबा दर्शवला होता.
अंशतः अनुदानित शाळांमधील शिक्षक आणि शिक्षकेतर कर्मचाऱ्यांनी आपल्या प्रलंबित मागण्यांसाठी आझाद मैदानात आंदोलन केले होते.
राज्य सरकारने विनाअनुदानित आणि अंशतः अनुदानित शाळांना 20 टक्के वाढीव अनुदान मंजूर करण्याची घोषणा केली.