सरकारनामा ब्यूरो
कोकण आणि रत्नागिरी येथील धडाडीचे तसेच लोकप्रिय नेते उदय सामंत यांचा आज (26 डिसेंबर) वाढदिवस आहे.
उदय सामंत हे मुळचे कोकणातील रत्नागिरीचे असून त्यांचा जन्म पाली येथे झाला.
पुण्यातील काॅलेजमध्ये इंजिनिअरिंगमधून त्यांनी डिप्लोमा पूर्ण केला आहे.
महाराष्ट्रातील शिवसेना नेते (शिंदे गट) उदय सामंत हे सध्या महाराष्ट्राचे उद्योग मंत्री आहेत.
सध्या ते रत्नागिरी विधानसभा मतदारसंघाचे सदस्य म्हणून कार्यरत आहेत.
कोकण विधानसभा मतदारसंघाच्या निवडणुकीत 2004, 2009, 2014 आणि 2019 मध्ये सलग चार वेळा निवडून आलेले नेते आहेत.
राज्याचे उच्च तंत्रशिक्षण मंत्री म्हणूनही त्यांनी चांगली कामगिरी बजावली आहे.
राजकारणातील उत्तम कारकिर्दीमुळे कमी कालावधीतच त्यांनी महाराष्ट्रात आपला ठसा उमटवला आहे.
शिवसेनेत महत्त्वाची भुमिका बजावणारे उदय सामंत यांनी राष्ट्रवादी पक्षातून त्यांचा राजकीय प्रवास सुरु केला होता.