Jagdish Patil
राज्यातील 29 महानगरपालिकांसाठी गुरूवार 15 जानेवारी 2026 रोजी मतदान होणार आहे.
या मतदानासाठी मतदार ओळखपत्रासह इतर 12 प्रकारचे ओळखपत्र पुरावे म्हणून ग्राह्य धरले जाणार असल्याचं आयोगाने स्पष्ट केलं आहे.
12 प्रकारच्या ओळखपत्रापैकी कोणताही एक पुरावा दाखविल्यानंतर मतदान करता येणार आहे.
मात्र, केवळ मतदार यादीच्या आधारे मतदान करता येणार नाही. तर मतदार यादीसोबत 12 पैकी एक ओळखपत्र दाखवणं आवश्यक आहे.
तर या 12 प्रकारच्या ओळखपत्रांमध्ये नेमकं कशा कशाचा समावेश आहे ते जाणून घेऊया.
आधार कार्ड, मनरेगा अंतर्गत निर्गमित करण्यात आलेले रोजगार ओळखपत्र, बँक पासबुक, आरोग्य विमा स्मार्ट कार्ड, वाहन चालक परवाना.
पॅन कार्ड, भारतीय महानिबंधक आणि जनगणना आयुक्तांनी जारी केलेलं स्मार्ट कार्ड, पारपत्र, निवृत्तीवेतनाची दस्तावेज.
केंद/राज्य शासन, तसेच सार्वजनिक क्षेत्रातील उपक्रम, पब्लिक लिमिटेड कंपन्यांनी आपल्या कर्मचाऱ्यांना वितरित केलेले छायाचित्र ओळखपत्र.
संसद, विधानसभा, विधानपरिषदेच्या सदस्यांना वितरित केलेले अधिकृत ओळखपत्र, दिव्यांग व्यक्तींना वितरित केलेले विशेष ओळखपत्र.
वरीलपैकी किमान एक ओळखपत्र मतदान करताना जवळ असणं गरजेचं आहे. अन्यथा तुम्हाला मतदान करता येणार नाही.