Rashmi Mane
एसटी प्रवाशांसाठी महत्त्वाचा बदल सवलतीत प्रवास करणाऱ्या लाखो प्रवाशांसाठी राज्य सरकारने नवा नियम लागू केला आहे. आता सवलत मिळवण्यासाठी केवळ ओळखपत्र पुरेसे ठरणार नाही. तर...
एसटीच प्रसाव करणाऱ्या ज्येष्ठ नागरिक, महिला, विद्यार्थी किंवा इतर शासकीय योजनांतर्गत सवलतीत प्रवास करणाऱ्यांना आता ‘नॅशनल कॉमन मोबिलिटी कार्ड’ (NCMC) घेणे आवश्यक आहे.
पूर्वी फक्त आधारकार्ड किंवा ओळखपत्र दाखवून एसटीचे तिकीट मिळत होते. मात्र आता NCMC कार्ड नसल्यास सवलत नाकारली जाऊ शकते आणि पूर्ण भाडे भरावे लागू शकते.
परिवहन मंत्री प्रताप सरनाईक यांनी या योजनेची घोषणा केली आहे. हा बदल केवळ नियम नसून डिजिटल आणि पारदर्शक व्यवस्थेकडे टाकलेले महत्त्वाचे पाऊल असल्याचे त्यांनी स्पष्ट केले.
या कार्डमुळे एसटी प्रवासासाठी सवलतींची नोंद होईल, त्यामुळे सवलतींमध्ये पारदर्शकता येणे सोपे होईल. आणि शासनाच्या सर्व सवलती एका कार्डमध्ये उपलब्ध होतील.
महामंडळाने या प्रकल्पासाठी Ebix Technologies Ltd आणि NSDL Payments Bank यांच्यासोबत करार केला आहे. लवकरच सर्व आगारांमध्ये नोंदणी मोहीम सुरू होणार आहे.
नवीन NCMC कार्डसाठी 199 रुपये (GST सहित) शुल्क आकारले जाईल. जुने स्मार्ट कार्ड परत दिल्यास हे कार्ड 149 रुपयांत उपलब्ध होईल.
कार्डमध्ये किमान 100 रुपये शिल्लक ठेवणे आवश्यक आहे. 50 च्या पटीत रक्कम रिचार्ज करता येईल. ETIM मशीन, अधिकृत वेबसाइट, मोबाईल ॲप किंवा अधिकृत एजंटमार्फत रिचार्ज करता येणार आहे.