Jagdish Patil
खासगी शाळांमधील शिक्षक भरती प्रक्रिया पारदर्शक करण्यासाठी मोठा बदल करण्यात आला आहे.
आता संस्थाचालकांना उमेदवारांच्या मुलाखतीसाठी 100 पैकी केवळ 10 गुण देता येणार आहेत.
शिक्षक भरतीत 100 पैकी 90 गुण शैक्षणिक व व्यावसायिक पात्रता आणि TET च्या आधारे स्वयंचलित पद्धतीने निश्चित केले जातील.
संस्थाचालकांच्या मुलाखतीतील गुणांचे महत्त्व मर्यादित केल्यामुळे भरती प्रक्रियेत गुणवत्तेला अधिक महत्त्व मिळणार आहे.
‘पवित्र पोर्टल’अंतर्गत खासगी शाळांमधील 10,328 रिक्त पदांसाठी 11,493 उमेदवारांची मुलाखतीसाठी शिफारस करण्यात आली.
या उमेदवारांची निवड प्रक्रिया 3 ते 25 नोव्हेंबरदरम्यान राबविण्यात येणार आहे.
‘शिक्षक अभियोग्यता व बुद्धिमत्ता चाचणी’ 2025 अंतर्गत मुलाखतीसह निवड प्रकारातील नियमित फेरीची गुणवत्ता यादी 31 ऑक्टोबरला प्रसिद्ध झाली.
मुलाखतीसाठी शिफारस झालेल्या 11,493 उमेदवारांनी एकूण 27,154 प्राधान्यक्रम निश्चित केले आहेत.
उमेदवारांना पवित्र पोर्टलवर निवडीची सद्यस्थिती पाहता येईल. तसेच व्यवस्थापननिहाय गुणवत्ता यादीही उपलब्ध आहे.
उमेदवारांना निवड प्रक्रियेबाबत तक्रार असल्यास 7 नोव्हेंबरपर्यंत edupavitra2025grcc\@gmail.com या ईमेलवर पाठवता येईल.