Aslam Shanedivan
भोंदूबाबा अशोक खरात प्रकरणात रुपाली चाकणकर यांना महाराष्ट्र राज्य महिला आयोगाच्या अध्यक्षपदाचा राजीनामा द्यावा लागला आहे.
यानंतर आता त्यांच्या जागी कोणाची नियुक्त होणार याकडे राज्याचे लक्ष लागले असतानाच राष्ट्रवादी काँग्रेसमधील चार महिला नेत्यांची नावे समोर आली आहेत.
ज्यात आमदार सरोज अहिरे, वैशाली नागवडे, माजी महापौर राजलक्ष्मी भोसले, प्रतिभा शिंदे यांची नावे चर्चेत आहेत.
दरम्यान आता आमदार रोहित पवार यांनी राज्य महिला आयोगाच्या अध्यक्षपदासाठी चार महिलांची नावं सुचवली आहेत.
रोहित पवार यांनी एक ट्विट करत, आयोगाचे अध्यक्षपद हे राजकीय पुनर्वसनाचे साधन न ठरता महिलांच्या हक्कासाठी लढणाऱ्या खऱ्या कार्यकर्त्यांकडे दिलं जावं असे म्हटलं आहे.
त्यांनी सेवानिवृत्त आयपीएस अधिकारी मीरा बोरवणकर यांच्यासह सामाजिक कार्यकर्त्या वर्षा देशपांडे यांचे नाव सुचवले आहे.
त्याचबरोबर रोहित पवार यांनी, ‘मासूम'च्या मनिषा गुप्ते किंवा निवृत्त IAS अधिकारी मेधा गाडगीळ किंवा इतर योग्य अराजकीय व्यक्तींची नियुक्ती व्हावी असेही म्हटले आहे.
Women Commission Chairperson : महिला आयोगाच्या अध्यक्षपदासाठी चर्चेत असलेले चेहरे कोण? 4 नावं रेसमध्ये