Deepak Kulkarni
देशभरातील सर्व नव्या वा जुन्या अशा सर्वच प्रकारच्या वाहनधारकांसाठी अतिशय दिलासादायक निर्णय घेण्याच्या विचाराधीन आहे.
केंद्र सरकार ड्रायव्हिंग लायसन्स आणि वाहनांशी संबंधित नियमांत लवकरच मोठा बदल करण्याच्या तयारीत असल्याची माहिती समोर येत आहे.
सध्या ड्रायव्हिंग परवान्याची मर्यादा (लायसन्स) ही 20 वर्ष आहे. यानंतर आपल्या परवान्याचं वाहनधारकांना पुन्हा नूतनीकरण (रिनिव्ह) करावं लागतं.
आपलं लायसन्स नुतनीकरणाची किचकट प्रक्रिया पूर्ण करताना सर्वसामान्यांना मोठ्या मनस्तापाला सामोरे जावे लागते.
पण आता सरकार ड्रायव्हिंग लायसन्सची मर्यादा ही 20 वरुन थेट 50 वर्षांपर्यंत करणार आहे. याबाबतची माहिती 'टाइम्स ऑफ इंडिया'ने माहिती दिली आहे.
केंद्र सरकार हे केवळ ड्रायव्हिंग लायसन्सची वैधता वाढवण्यावरच नव्हे, तर वाहनांविषयीची सर्व आवश्यक सेवा ऑनलाईन प्लॅटफॉर्मवर आणण्याच्या प्रयत्नात आहे.
यामुळे आगामी काळात सरकारचा निर्णय झालाच तर, वाहन परवान्यासह खरेदी-विक्रीची प्रक्रियाही अत्यंत पारदर्शक व सुटसुटीत होण्याची शक्यता आहे.
सर्वसामान्यांसाठी सध्याच्या घडीला वाहनाची मालकी बदलणे (व्हेईकल ऑनरशिप ट्रान्सफर) आणि परमिट रिनिव्ह करणं यांसारखी अनेक कामं पूर्णपणे ऑनलाईन प्लॅटफॉर्मवर करता येणे शक्य होणार आहे.
अर्जदाराला आता आरटीओसंंबंधीच्या कोणत्याही कामासाठी कार्यालयात आवश्यकता भासणार नाही. सरकार 'ईज ऑफ लिविंग' धोरण आता आरटीओ प्रशासकीय यंत्रणेतही मोठ्या प्रमाणात राबवणार आहे.