Aslam Shanedivan
आजकाल शासकीय नोकरी मिळणे म्‍हणजे एक दिवास्वप्‍न बनले आहे.
पण जिद्द आणि चिकाटी ठेवून प्रयत्न केल्यास कर्तृत्‍व आणि स्‍वप्‍न सत्यात उतरायला वेळ लागत नाही
अशीच स्वप्नपूर्ती केली आहे साताऱ्याच्या कोरेगावमधील भंडारमाची छोट्याशा खेड्यातील मंगेश मोहन माकरने
मंगेश मोहन माकरने एकाच वर्षात तब्‍बल सात शासकीय पदांना गवसणी घालून नवा अध्याय लिहत तुरूणांपुढे आदर्श ठेवला आहे
मंगेशनचे आई-वडील अल्‍पशिक्षित असून त्यांनी त्याच्या शिक्षणासाठी काबाडकष्‍ट केले. तर याने देखील स्वप्नपूर्तीकडे वाटचाल करताना सरळ सेवा परीक्षेची तयारी केली
मंगेशनचे जिल्‍हा परिषद प्राथमिक शाळेत शिक्षण झाले असून अंगापूर येथे मावशीकडे माध्यमिक शिक्षण झाले. तर साताऱ्याच्या एलबीएस महाविद्यालयातून त्याने पदवीचे शिक्षण घेतले.
यावेळी त्याने एका हॉस्पिटलमध्ये अर्धवेळ काम करत छत्रपती शिवाजी महाविद्यालयाच्‍या अभ्‍यासिकेत सातत्यपूर्ण अभ्‍यास केला. परीक्षा दिल्या. पण त्याला यश आले नाही.
2024 मध्ये एकाच वर्षात सार्वजनिक बांधकाम, रक्तपेढी परिचर, नगररचना विभाग, कनिष्ठ सहाय्यक परीक्षा, स्टेनो परीक्षा आणि राज्य उत्पादन शुल्क परिक्षेतही यश मिळवले. आता तो साताऱ्यात जलसंपदा विभागाची परीक्षेत उत्तीर्ण होऊन रुजू झाला आहे.