Pradeep Pendhare
माजी लष्करप्रमुख जनरल मनोज नरवणे यांच्या ‘फोर स्टार्स ऑफ डेस्टिनी’ या पुस्तकावरून मोठा वाद निर्माण झाला आहे.
पुस्तक प्रकाशित होण्यापूर्वीच मोदी सरकारला हादरे बसल्याने लष्करी अधिकाऱ्यांच्या लेखणीवर निर्बंध आणण्यासाठी पाऊल टाकले आहे.
लष्कराशी संबंधित पुस्तके लिहिण्यासाठी आणि प्रकाशित करण्यासाठी संरक्षण मंत्रालय नवीन गाईडलाइन्स लागू करणार आहे.
पुस्तक प्रकाशित करू इच्छिणाऱ्या लष्करी अधिकाऱ्यांसाठी नवे नियम बंधनकारक असणार आहेत.
नवीन नियम तयार करण्यासाठी नुकतीच मोदी सरकारमधील केंद्रीय संरक्षण विभागाची उच्चस्तरीय बैठक पार पडली.
नव्या गाईडलाइन्समध्ये विद्यमान सेवा नियम तसेच अधिकृत गुपिते कायद्याच्या तरतुदींचा समावेश असण्याची शक्यता आहे.
निवृत्त लष्करी अधिकाऱ्याच्या पुस्तकात लष्करी कारवायांशी संबंधित संवेदनशील माहिती किंवा गोपनीय माहिती असेल, तर ती प्रथम संरक्षण मंत्रालयाला सादर करावी लागणार.
लष्करी कर्मचारी आणि अधिकाऱ्यांसाठी नियम कडक असून, कोणतेही पुस्तक किंवा लेखासाठी लेखी परवानगी घ्यावी लागते. ही परवानगी कमांडद्वारे लष्कर मुख्यालय किंवा संरक्षण मंत्रालयापर्यंत पोहोचते.
वर्गीकृत माहिती, लष्करी कारवाया, शस्त्रास्त्र क्षमता, राष्ट्रीय सुरक्षा किंवा परराष्ट्र संबंधांवर परिणाम करू शकणारा मजकूर असलेले कोणतेही पुस्तक प्रकाशित करण्यास सक्त मनाई आहे.