Rashmi Mane
महाराष्ट्राच्या राजकारणात सध्या मराठी भाषा, अस्मिता आणि त्यावरून रंगणारी राजकारणाची गणितं असं एकंदरीत वातावरण चाललंय...
खरं तर मराठी भाषा ही महाराष्ट्राच्या ओळखीचा आत्मा आहे. पण गेल्या काही वर्षांत भाषेच्या मुद्द्यावरून राजकीय वातावरण चागलचं तापतंय.
प्राथमिक शाळांमध्ये हिंदी भाषेची सक्ती केल्याने मराठी विरुद्ध हिंदीचा वाद पुन्हा एकदा चर्चेत आला. त्यामुळे राजकीय नेत्यांमध्ये भाषेवरून परस्पर आरोप-प्रत्यारोप सुरू झाले.
शिवसेना आणि मनसे गेली अनेक वर्ष मराठी भाषेच्या अस्मितेसाठी लढत आहेत. तर इतर पक्ष ‘हिंदी-हिंदुत्व’ला प्राधान्य देतांना दिसतात. हा संघर्ष केवळ भाषेपुरता मर्यादित नाही...तर निवडणुकीच्या पुढे या मुद्द्याला तेवढचं महत्व मिळतं.
मराठी अस्मितेचा मुद्दा निवडणुकीच्या तोंडावरचं जास्त गाजतो. त्यामुळे मतदारांमध्येही सभ्रम निर्माण होत. हे प्रेम खरंच आहे की निव्वळ राजकीय हिशोब?
मात्र निवडणुकीच्या तोंडावर मराठीचा मुद्दा गाजतो त्यामुळे तरुण वर्गात 'भाषेवर प्रेम आहे, पण राजकारण नको', अशी भूमिका पाहायला मिळतं आहे.
भाषेवर वाद चालू असताना...खऱ्या प्रश्नांकडे दुर्लक्ष होतांना दिसतयं. शिक्षण, रोजगार, शेतकरी या मुद्द्यांवर कोण लक्ष देणार? असा प्रश्न मतदारांच्या पडत आहे.