Rashmi Mane
मस्साजोगचे सरपंच संतोष देशमुख यांचा 9 डिसेंबरला खून झाला. हत्या करणाऱ्या आरोपींवर मोक्का लावण्याची मागणी केली जात होती.
या हत्याकांडातील चार गुन्ह्यांमध्ये 9 आरोपी आहेत. तर एक आरोपी अद्यापही फरार आहे. MCOCA Act
सरकारने संतोष देशमुख हत्या प्रकरणातील आरोपींवर मोक्का लावण्याची कारवाई केली आहे.
पण मोक्का नेमकं आहे तरी काय ? तो कुणावर आणि का लावला जातो? मोक्का या शब्दाचा नेमका अर्थ काय? अशा एकंदरीत सगळ्याच प्रश्नांची उत्तरं पाहूयात...
महाराष्ट्र सरकारने संघटित गुन्हेगारांवर वचक ठेवण्सायाठी 1999 मध्ये मोकोका कायदा आणला.
महाराष्ट्र संघटित गुन्हेगारी प्रतिबंधक कायदा (Maharashtra Control of Organised Crime Act) असं या कायद्याचं नाव आहे.
दोन किंवा त्यापेक्षा जास्त आरोपींची टोळी मोक्का लावण्यासाठी असावी लागते. टोळीतल्या आरोपींवर दहा वर्षांमध्ये दोन किंवा दोनपेक्षा जास्त गुन्हे दाखल असणं गरजेचं आहे. विशेष म्हणजे गुन्ह्यांमध्ये आरोपपत्र दाखल असावं लागतं.
या कायद्यांतर्गत खंडणी, हप्ते वसुली, सुपारी देणे, तस्करी यासारखे गुन्हे संघटितरित्या केल्यास आरोपींवर मोक्का लागतो.