Rashmi Mane
ऑनलाइन पैसे पाठवताना चुकीचा खाते क्रमांक टाकला किंवा दुसऱ्याच व्यक्तीला पैसे गेले? अशा वेळी त्वरित तक्रार करून पैसे परत मिळवण्याचा प्रयत्न करता येतो.
पैसे ट्रान्सफर झाल्याचे लक्षात येताच तुमच्या बँकेशी संपर्क साधा आणि व्यवहाराची माहिती द्या.
ट्रान्झॅक्शन आयडी, UTR नंबर, पैसे पाठवल्याची तारीख, रक्कम आणि स्क्रीनशॉट जतन करा.
बँकेच्या शाखेत किंवा ग्राहक सेवा विभागाकडे लेखी तक्रार नोंदवा. तक्रारीचा क्रमांक घ्यायला विसरू नका.
ज्या खात्यात पैसे गेले आहेत, त्या बँकेलाही तुमच्या बँकेमार्फत माहिती देण्याची विनंती करा.
सायबर फसवणुकीमुळे पैसे गेले असल्यास 1930 या हेल्पलाइनवर त्वरित संपर्क साधा.
बँकेने 30 दिवसांत समाधानकारक उत्तर दिले नाही, तर RBI च्या तक्रार निवारण पोर्टलवर तक्रार करता येते.
RBI पोर्टल https://www.rbi.org.in/ वर तुम्ही तुमची तक्रार नोंदवू शकता.