Jagdish Patil
पिंपरी-चिंचवड महापालिकेच्या मोशीतील कचरा डेपोच्या इमारतीवर कचऱ्याचा ढिगारा कोसळल्याची दुर्घटना घडली आहे.
या ३ मजली इमारतीमध्ये तळमजल्यावर पार्किंग, पहिल्या मजल्यावर कॅन्टीन आणि दुसऱ्या मजल्यावर कॉन्फरन्स रूम आहे.
दुर्घटना घडली तेव्हा इमारतीमध्ये २३ कामगार होते, त्यापैकी दुसऱ्या मजल्यावरील 5 कामगार तात्काळ बाहेर पडले.
त्यानंतर मध्यरात्री 3 वाजेपर्यंत एकूण 9 कामगारांना सुखरूप बाहेर काढण्यात यश आलं आहे.
सध्या बचावकार्य सुरू असून ढिगाऱ्याखाली अडकलेल्या कामगारांची सुटका करण्याचे शर्तीचे प्रयत्न सुरू आहेत.
मात्र, या घटनेला ४३ तासांहून अधिक कालावधी झाला तरीही अद्याप ८ कामगार बेपत्ता असल्याने त्यांच्या नातेवाईकांनी आक्रोश सुरू केला आहे.
बचावकार्य अतिशय धिम्या गतीने होत असल्याचा आरोप नातेवाईकांनी प्रशासनावर केला आहे.
तर ढिगाऱ्यातून सुखरूप बाहरे काढण्यात आलेल्या एका व्यक्तीने आत अडकलेल्या कामगारांची भयानक परिस्थिती सांगितली.
आत अडकलेले कामगार जखमी अवस्थेत "आई, आई...", करून ओरडत असल्याचं त्या व्यक्तीने सांगितलं.
अडकलेले कामदार छत्रपती संभाजीनगर, बीड, सोलापूरसह राज्यातील विविध भागांतील असून त्यांचे नातेवाईक घटनास्थळी दाखल झालेत.