Aslam Shanedivan
महाराष्ट्र लोकसेवा आयोगामार्फत आयोजित विविध भरती प्रक्रियांमध्ये उमेदवारांना त्यांच्या ऑनलाइन अर्जासोबत प्रमाणपत्र, कागदपत्रांची प्रति जोडाव्या लागत होत्या.
पण आता 'MPSC'ने डिजिलॉकर प्रणाली स्वीकारण्याचा निर्णय घेतला असून उमेदवारांना कागदपत्रे आणि प्रमाणपत्रे ऑनलाइन पद्धतीने सामायिक करता येतील
डिजिलॉकर प्रणालीमुळे उमेदवारांसाठी अर्ज प्रक्रिया आता आणखी सुलभ होणार असून याबाबत 'MPSC'ने प्रसिद्धिपत्रकाद्वारे या बाबतची माहिती दिली आहे.
डिजिलॉकर प्रणालीवर खाते असलेल्या उमेदवारांनी त्यांच्या ऑनलाइन अर्जप्रणालीच्या खात्यामधून ‘मेरी पेहचान’ संकेतस्थळावर लॉगिन करावे
डिजिलॉकर प्रणालीवर खाते नाही अशा उमेदवारांनी https://www.digilocker.gov.in/ येथे आधार क्रमांकाचा वापर करुन नवीन खाते उघडून ते खाते ऑनलाइन अर्ज प्रणालीशी जोडून घ्यावे.
तसेच अशा उमेदवारांनी आधार क्रमांकाशी संलग्न भ्रमणध्वनी (मोबाईल) क्रमांक यांचा वापर देखील करू शकतात.
येथे लॉगिन केल्यानंतर शैक्षणिक, आधार कार्ड, पॅन कार्ड, वाहन परवाना, इश्यूड डॉक्युमेंट्स अशी कागदपत्रे उपलब्ध होतील. उपलब्ध नसलेली कागदपत्रे पीडीएफ स्वरुपात अपलोड करता येतील.
तर आगामी काळात कागदपत्रे, प्रमाणपत्रे केवळ डिजिलॉकर प्रणालीद्वारे स्वीकारण्यात येतील, असेही एमपीएससीने स्पष्ट केले आहे.